O xurado do Concurso de Tapas Picadillo valora as propostas finalistas

 

Restaurante Morriña, Taberna O Secreto, Mesón de Herves, Mesón Barrera e Casa Ponte son as tapas finalistas na categoría Tradicional e La Esquina de Valentina, Uro Rest&Club, Casa Surrey, Intenso e EME Taberna na Creativa   O xurado do XVII Concurso de Tapas Picadillo valorou este martes as propostas finalistas das categorías Creativa e Tradicional. Antes de visitar a valorar todas as tapas, os membros do xurado foron recibidos polo xerente do Consorcio de Turismo, Moisés Jorge Naranjo O xurado desta edición, presidido por Chau Puga Fernández-Gago, neta do alcalde Picadillo e académica da Academia de Gastronomía de Galicia, está composto por Ana Gago, copropietaria e xefa de cociña de Casa Pardo (1ª Estrela Michelín da Coruña); Marco Varela, cociñeiro do restaurarante Sábrego en Casal de Armán (Ribadavia); Chechu Rey, cociñeiro e asesor gastronómico e Javier Rodríguez "Taky", cociñeiro. Todos xuntos visitaron os dez restaurantes finalistas das categorías Tradicional e Creativa (cinco en cada unha). Os establecementos, escollidos polo xurado inicial, foron o Restaurante Morriña, a Taberna O Secreto, o Mesón de Herves, o Mesón Barrera e Casa Ponte na categoría Tradicional e La Esquina de Valentina, Uro Rest&Club, Casa Surrey, Intenso Cocina Peculiar e EME Taberna na categoría Creativa. O nome dos establecementos gañadores de cada unha destas categorías, así como da categoría de Maridaxe e do Premio Cidade da Coruña, serán anunciados na entrega de premios que se realizará nas vindeiras semanas.