martes, 21 de abril de 2015

¿Serías capaz de comer coma un invidente? No CIFP Carlos Oroza repiten experiencia en colaboracion coa ONCE.


Este mércores 22 de abril, no CIFP Carlos Oroza desenvolverase un xantar especialmente deseñado para persoas con discapacidade visual, asociados da ONCE. O alumnado que atenderá o servizo deste xantar ten recibido formación específica da ONCE para desenvolver correctamente o servizo con estes clientes tan especiais para o CIFP.

Esta actividade forma parte do proxecto do noso centro "Para ti, para min...para todos" co que o CIFP Carlos Oroza quere concienciar e preparar a todo o seu alumnado de hostalaría e turismo para atender correctamente aos clientes con algún tipo de discapacidade.

Para compartir a experiencia de degustar un xantar sen poder usar o sentido da vista, os comensais que non teñen discapacidade visual participaran utilizando un antifaz que a asociación ONCE lles facilitará.

(Foto de La Voz de Galicia, Edición Pontevedra)

0 comentarios:

Publicar un comentario