martes, 17 de febrero de 2015

Unha semana de actividade gastronómica frenética levará ao CIFP Carlos Oroza a participar en Edugal, realizar o 2º concurso de sumillería Suso Domínguez e acoller un showcooking a cargo de Pepe Solla (Casa Solla), Javier Olleros (Culler de Pau) e Diego López (La Molinera-Lalín).

 

Frenéticas. Así serán as actividades que desenvolverá o CIFP Carlos Oroza na semana dos vindeiros 25,26 e 27 de febreiro.Nelas levará ao CIFP Carlos Oroza a participar en Edugal, realizar 2º concurso de sumillería Suso Domínguez e acoller un showcooking a cargo de Pepe Solla (Casa Solla), Javier Olleros (Culler de Pau) e Diego López (La Molinera-Lalín)

O detalle das mesmas é o seguinte:

25 de febreiro (mércores)
Ás 10 horas, no auditorio da Cidade Infantil Príncipe Felipe, haberá un showcooking a cargo de Pepe Solla (Casa Solla), Javier Olleros (Culler de Pau) e Diego López (La Molinera-Lalín) para todo o alumnado do noso centro e escolas convidadas. A entrada será libre ata completar aforo para todas as persoas que desexen asistir a esta actividade.

26 de febreiro (xoves)
Arredor das 10 horas darán comezo as probas que forman parte do 2º concurso de sumillería Suso Domínguez. Haberá probas que se desenvolvan no noso centro, e a partir das 12 horas, tódalas probas se desenvolverán no auditorio da Cidade Infantil. Participarán tódalas escolas de hostalaría de Galicia e tres de Portugal.

27 de febreiro (venres)
O CIFP Carlos Oroza participará na feira de educación Edugal cun showcooking (elaboración de pratos e cócteles á vista do cliente con posterior degustación) a cargo dos segundos cursos dos Ciclos Superiores de Dirección de Cociña e Dirección de Servizos, xunto co primeiro curso de Ciclo Superior de Dirección de Cociña. Os profesores encargados desta actividade serán Daniel Pulzoni, Antonio Suárez e Nuria Ruíz. Poderán asistir a este showcooking ata 100 persoas, que deberán recoller un tique de acceso nun stand da feira de Edugal. A actividade ten previsto o seu comezo arredor das 11.30 horas.

0 comentarios:

Publicar un comentario