Mostrando entradas con la etiqueta Deputación de Pontevedra. Mostrar todas las entradas
Mostrando entradas con la etiqueta Deputación de Pontevedra. Mostrar todas las entradas

jueves, 5 de febrero de 2015

VIGO ACOLLERÁ O VINDEIRO 23 DE FEBREIRO O ATLANTE WINE FORUM



UNHA XORNADA DE ENCONTRO ENTRE  PONENTES DE MÁXIMO NIVEL MUNDIAL E PROFESIONAIS DOS PRINCIPAIS SECTORES DA PRODUCCIÓN E COMERCIO DO VIÑO

Vigo acollerá o vindeiro 23 de febreiro o Atlante Wine Forum, unha xornada de encontro, formación e traballo conxunto dalgúns dos máis reputado profesionais do mundo do viño que desenvolven a súa actividade no noroeste de España e norte de Portugal.

Perante un día, viticultores, bodegueiros, enólogos, sumilleres, barman, distribuidores e empresarios do Enoturismo daránse cita na sede Afundación en Vigo para debatir e estudiar conxuntamente sobre os retos e as posibilidades do mundo do viño, dende a súa orixe na viña ata a súa chegada ao consumidor final.

A xornada foi presentada hoxe na Deputación de Pontevedra nunha rolda de prensa ofrecida polo director do Instituto Galego do Viño, entidade organizadora do encontro, Xoán Cannas, e por Rafael Louzán, presidente da Deputación de Pontevedra que, a través de Turismo Rías Baixas é unha das patrocinadoras do Atlante Forum Wine.

Cannas indicou que <trátase de ofrecer unha visión internacional e cun ambiente académico e de compartir con todos os participantes da cadena experiencias e liñas novas para o sector do viño>.

A xornada desenvolverá tres ponencias pola mañá, contará cun Masterclass e terá espazos para o debate e aprendizaxe pois <queremos que haxa unha participación activa dos aproximadamente 200 asistentes>, manifestou Cannas.

Según él, <é a primeira vez que se fai algo similar en Galicia, é unha oportunidade histórica para o sector, para a búsqueda da excelencia, algo no que é clave a formación de profesionais de presente e de futuro>.

 No Atlante Wine Forum participarán ponentes de máximo nivel mundial como Marc Alvarez, do grupo BCN.0; Dimitris Leivadas, do restaurante londinense The Fat Duck; Peter Richards, Master of Wine; Claude Bourgignon, francés fundador do Laboratorio de Análise Microbiolóxico de Solos; Rafael del Rey, director xeral da Fundación Observatorio Español del Mercado del Vino; Fernando Gallardo, crítico de El Pais; Ferrán Centelles, de El Bulli; Cristina Alcalá, periodista; Pedro Mansilla, da Estación Fitopatolóxica de Areeiro; e o propio Xoán Cannas.

O presidente da Deputación de Pontevedra, Rafael Louzán, calificou de <emblemáticos> aos viños atlánticos pero con necesidade dunha grande potenciación e promoción e dixo que o foro que se celebrará en Vigo <supón unha aposta por redoblar a calidade dos nosos viños e os procesos de internacionalización e reforzamento da súa posición no mercado>.

Atlante Wine Forum conta coa esponsorización de Turismo Rías Baixas, Travecor, a DO Ribeiro, Galicia Calidade e Cabreiroá.