Os
prescriptores visitan a Denominación de Orixe máis antiga de Galicia nunha
actividade organizada polo IGAPE e coordinada por Luis Paadín
Un grupo de 13 xornalistas internacionais, chegados
dende Bélxica, Reino Unido, Estonia, Rusia, Holanda ou Perú, están a participar
nun programa de visitas denominado International Galician Wine Week, organizado
polo IGAPE da man do sumiller Luis Paadín, que aterrou onte na Denominación de
Orixe máis antiga de Galicia, a D.O. Ribeiro.
O programa
iniciouse coa chegada onte á tarde ao territorio da D.O. Ribeiro para coñecer
de primeira man as súas características, a través dos seus viños, uvas, viñedos
e xentes. O grupo, acompañado polo presidente do C.R.D.O. Ribeiro, Juan Manuel
Casares Gándara, gozou dunha cea tradicional cunha excelente mostra de 20 de
viños do Ribeiro.
Esta mañá
percorreron o terreo da D.O. Ribeiro visitando viñedos, algúns xa vendimados e
outros no proceso de recolección da uva, trazando unha rota polos concellos de
Cenlle, Leiro, Beade,… para chegar a Ribadavia, onde se celebrou un xantar
tradicional con polbo a feira e carne ao caldeiro, harmonizado con outro túnel
de viños da D.O., integrado por outras 20
referencias entre viños brancos e tintos.
0 comentarios:
Publicar un comentario