O CIFP Carlos Oroza informa de que o vindeiro xoves, 12 de marzo ás 16.30 horas, no Auditorio da Cidade Infantil Príncipe Felipe desenvolverase a conferencia: “Conociendo tus límites: ¿Por qué tu negocio no crece? de Roberto Brisciani afamado autor do libro “El secreto de un restaurante magnético”, premiado como a mellor publicación gastronómica do ano 2010 e gañador do Gourmand Cook Book Awards (o Óscar dos libros gastronómicos) como “Best Book for Professionals” no mesmo ano.
Roberto Brisciani é consultor de empresas do sector da restauración italiana, editor da revista Pizza&Restauración –o medio de máis prestixio da gastronomía italiana en España-, director da Escola Nacional de Pizza e Restauración Italiana, adicándose especialmente a nivel empresarial ao Gruppo Pizza, sociedade adicada ao Consulting de negocios de restauración e Thinking Foods, empresa que desenvolve fórmulas de masa de pizza a medida para clientes industriais e artesanais.
Tanto para Roberto Brisciani como para as empresas que desenvolveu, o seu motor é “elevar o éxito dos negocios de restauración”, por elo cada interacción de Roberto Brisciani cos emprendedores deste sector está sempre movido por aportar as ferramentas que fagan que os seus negocios acaden o éxito desexado.
Esta interesante conferencia, por primeira vez en Galicia, está dirixida ao alumnado do centro, a todos os empresarios do sector da hostalaría, a restauración e as industrias alimentarias que desexen asistir á conferencia, cuxa entrada é libre ata completar aforo.
A actividade está organizada polo xefe do departamento de Industrias Alimentarias, Manuel Patiño xunto con J. Carrera Grupo, delegado en Galicia de Thinkfoods.
0 comentarios:
Publicar un comentario